ڕۆژی دووشەممە ٣/٨/٢٠٢٦ لە هۆڵی شەهید پێشڕەو لە چەمچەماڵ  بۆردی هۆشیاری- مەکتەبی ڕاگەیاندن و هۆشیاریی یەکێتیی نیشتمانیی کوردستان بە هاوبەشی لەگەڵ مەڵبەندی  چەمچەماڵ و لە درێژەی کۆڕەکانی هۆشیارییدا،  بە ناونیشانی « ئەدەبیاتی مام جەلال ، کلیلێک بۆ مام ناسی» کۆرێکی بۆ هەڤاڵ ستران عەبدوڵڵا ئەندامی ئەنجومەنی سەرکردایەتیی یەکێتیی نیشتمانیی کوردستان سازکرد . 
لە کۆڕەکەدا کە هەڤاڵانی لێپرسراوی مەڵبەند و جێگران و لێپرسراوانی بەشەکانی مەڵبەند و کادیرانی یەکێتی لە سنوری مەڵبەندی چەمچەماڵ ئامادەبوون ، هەڤاڵ ستران عەبدوڵا ئاماژەیدا بە گرنگی ناسینی سەرۆک مام جەلال وەک کارێزمایەکی خاوەن سیاسەتی عەقلانیەت  و ڕوناکبیرێکی پێشکەوتنخوازی نیشتمانی و کوردایەتی خستەروو بۆ ئەوەی کادیر و ئەندامانی یەکێتی بە ناسینی مام جەلال و ڕێبازەکەی ئەو کوردایەتی و حیزبایەتی بکەن ، تا لەسەر ڕێبازە ڕونەکەی مام بەبێ لادان و درێژەدان بە سیاسەتی حەکیمانەی ئەو لە هەموو بوارە سیاسی و کۆمەڵایەتی و ئیداری رێکخراوەیی و پشتیوانی کوردان بن لە بەشەکانی تری کوردستان و خزمەتی خەڵک لە هەموو ئاست و ئۆرگانەکان و ڕەفتاری گونجاو و حەکیمانە بکەن و ئیلهام و وزە و کۆڵنەدان لە سەرۆک مام جەلال وەربگرن.
جێی ئاماژەیە کتێبی ( ئەدەبیاتی مام.......ناوی کتێبەکە) لە نوسینی هەڤاڵ ستران عەبدوڵایە و لە لایەن بۆردی هۆشیارییەوە چاپکراوە و وەک بەشێک لو چالاکی کۆڕی هۆشیاری حیزبیش بۆ کادیرانی یەکێتی لە سنووری مەڵبەندەکان پێشکەش ئەکرێت..