خانەی چەپکە کتێبی یەکێتی وەک ناوەندێکی کاراو کاریگەری نێوخۆیی؛لە حەوتەمین پێشانگای نێودەوڵەتی سلێمانی بۆ کتێب کە لە ژێرناوی خولی سەرۆک تاڵەبانی بەرێوەچوو بەشداریکرد، زیاتر لە ٣ هەزار کتێب و نامیلکە و چاپکراوی بەخشەیە سەردانیکارانی پێشانگا و هەروەک توانی پاش ١١ ڕۆژ لە بەردەوامی بە سەرکەوتوانە کۆتایی بەکارەکانی پێشانگا بهێنێت.
لەمیانی ڕۆژانی پێشانگادا بەسەدان خوێنەر لەچین و توێژە جیاوازەکان؛ سەردانی خانەی چەپکە کتێبی یەکێتیان کرد  جگە لە چرکاندنی وێنەی یادگاری ؛ بە گەرمی پێشوازیان لێکراو؛ چاپکراوی دڵخوازی خۆیان پێشکەش کرا،کە زۆرینەیان خۆیان لە کتێب و نامیلکەو بڵاوکراوە جیاوازەکانی وەک سیاسی، ئابووری،مێژووی، حیزبی،فەلسەفی و چەندین بواری دیکە؛ وەک ژیاننامەو مێژووی نووسینە چاپکراوەکانی سەرۆک مام جەلال لەم خانەیە زۆرترین داواکاری خواستی میوانانی لەخۆگرتبوون.
  
لە لایەکی دیکەوە خانەکە وەک ئەرکێکی نیشتمانی لە بەرامبەر بەخشینی چاپکراوەکان هانی سەرداینکارانیدا، کە هاوکاری ماددی پێشکەش بە سندوقی شێرپەنجەی نەخۆشخانەی هیوا بکرێت لەو چوارچێوەیەدا بڕێکی باش داهاتی ماددی پێشکەش بەو سندوقەکراو لەو ڕوانگەیەوە کە ڕۆڵێکی کاریگەری دروستکرد،  نەخۆشخانەکە خەڵاتی ڕێزلێنانی پێشکەش بە خانەی چەپکە کتێب  کرد.

جێگەی وەبیرهێنانەوەیە خانەی چەپکە کتێبی یەکێتی لەلایەن ستافەکانی مەکتەبی راگەیاندن و بیروهۆشیاری یەکێتی نیشتمانی کوردستانەوە بەشداریان لە حەوتەمین پێشانگای نێوەدەوڵەتی سلێمانی کتێبی ئەمساڵی خولی سەرۆک تاڵەبانی کرد، کە لە ڕێکەوتی٣ بۆ ٢٠٢٥/١٠/١٣ توانی ڕۆڵێکی کارا لە نێو بەشداربوانی نێو پێشانگادا ببینێت؛ خەڵاتی رێکخرانی پێشانگەکیان پێبەخشرا وەک یەک لە خانە چاڵاکەکان.